Inloggen

Wedstrijdverslagen

Op deze pagina is er ruimte voor wedstrijd verslagen. Alle teams mogen verslagen toevoegen, van de jongste jeugd tot de veteranen. Ook verslagen van een activiteit met je team, zoals toernooien of kampioensfeest zijn welkom!

Dinsdag 28 november 19:30 uur
Meterik/America JO19-1 vs. Leunen JO19-1

Zoeals afgesproake tijdens ozze gezamelijke brainstormsessie vaan 2 weake trug volgt heer os ierste wedstrijdverslaag.

Doordat de wedstrijd door vervealende omstandigheden afgeloëpe weekend werd afgelast, mochten we um nou op deze dinsdaagoavend speule. Teagestander Leunen, de huidige nr. 2 oet os competitie, din as ienige nog zicht haj op koploëper Achates.

‘T war kald! Dit werd al gauw duudelik toen we van de kelt met un paar man mar dicht teage mekaar aan ginge stoan veur de poort van os sportpark, umdat we nag fkes op d'n trainert moaste wachten. Mar iederien war in ieders geval wal ruum op tied en haj dr zin in, dus dat koste we wal aan. D'n teagestander, die ok al ruum op tied aanwezig ware, haj d'r ok last van. Al veurdat ze in ’t lokaal zoate, kwame ze vroage of de verwirming aan mocht, want die durfde ni zoa dicht op ien te zitte. Of ze wal same durfde te douchen wiet ik neet.

Noadaat de trainert en zien assistent d’r veur haje gezurgd dat de spiksplinter neeje blauw/zwarte tenues netjes veur iederien kloar laage, koste we os eindelijk mentaal veurbereide op dees wedstrijd. Ierst nag un oetgebreide wedstrijdbespreaking en un intensieve wirming-up en toen mochten we dan eindelijk ’t veld op! Door mar lifst 4 blessuregevallen werden we ok vandaag wer aangevuld met gastspeulers vaan JO19-2 en ok die ware d’r kloar veur!

Leunen begos metiën fel aan de wedstrijd en goaf gelijk vol gas! We werde un bitje verrast door ’t hoëge tempo en gingen heer dan ok in mei. Noa wat gekwaak vaan de ziekant en mede door ozze keeper kwaam d’r langzaam mar zeker wat mier rust in ’t spel. Dit resulteerde noa 14 min. in un prima goal van Jelle noa un goije veurzet van Giel. 2 minuten later waas ’t gelijk wer raak. Ozze captain goof noa un goije actie op links un puntgave veurzet op ozze “geniale gek” Coive, din noa zien aanname oet de lucht prachtig afrondde. Iederien stong nag fkes met de oëge te knipperen en Paul makte van bliedschap un koprol veur de dug-out. ’T Waar behuurlik teage de verhouding in, noa ut fanatieke aanvalsspel vaan Leunen en mar lifst 10 corners teage. Mar ja, weej maakte ze wal af. Noa 34 minuten vloog zelfs de 3-0 teage de touwen, toen Giel d’n bal noa un veurzet van Jelle beheerst binnen schoot.

Met die tussenstand ginge we ok aan de “gloeiend-heite” thieje en moast iederien fkes good op oajem koome in de rust. D’n trainert zien advies: rust bewaren en loat ow ni gek maken, dan moat ’t wal good kome vandaag. Ook nog 1 wissel toepassen, Freek erin voor Tommie, want die was zo hard aan het hoesten en proesten toen hij het veld uitkwam dat zelfs Jasper er van schrok. (Fkes in het nederlands hè Tommie, anders begrijp je het misschien niet ;)

Onder ’t toeziend oëg vaan ozze “die-hard” supporters Charlie en Papa Choive, die vandaag trouwens gesteund werden door verschillende elders en bijna de complete A2-selectie, begoaste we aan de 2e hilft. Leunen ging wer metiën kei fel vaan start (die zullen meej wal un donderpreekje hebbe gehad in de rust). Gelukkig war Jordi met zien verdediging d’r dit kier op veurbereid en wisten we tog alwer redelijk snel de rust te bewaren. Noadaat “de Koning” zien verjeurdig haj opgeleukt met un panna beej de richtsboete werd ’t tied um wer te wissele. Twan, Toon en “de Hom” kwame d’r in veur Jelle, Nick en “de Koning”, noa wat vogges Twan de langste wirming-up oëit war. Net toen d’n trainer vaan Leunen in zien dug-out aan zien twedde pak shag begos, begoaste un paar vaan zien speulers zich te ergeren dat ’t allemoal ni lukte. De scheidsrechter werd de dupe, want waat din vogges hun allemoal deej koas echt neet…... Twieje vaan die jongens verlore hun zelfbeheersing en dit resulteerde in un geale en zelfs un roeje kaart. Tog jammer daat we heer toeschouwer vaan moaste zien, gelukkig heelde weej wal os kupke d’r beej. Deze oavertal situatie resulteerde nag in verschillende groëte kansen veur o.a. Rik, Choive en “de Hom”. Mar de teagegoal kwaam toch. Door un schot wat door de verder prima speulende Bram in eigen goal werd gewirkt, werd ‘t 3-1. Heernoa kwame we verder gelukkig nimmer egt in de probleme, dus dit werd ok de eindstand en de 3 punten ware binne!

Speulers vaan de A2, wederom bedankt!
Man of the match: “Mr. Rocket League” Giel Vullings

Prima resultaat oet un geweldige teamprestatie! Complimenten! En nou op noar zoaterdig, dan mogen we nar Lomm, kieke of die waat met daat ei kunnen.

Met sportieve groeten,

D’n assistent

Zaterdag 2 december 15:00 uur
ST RKDSO/DEV-Arcen JO19-1 vs. ST Meterik/America JO19-1

Vandaag mochten we aantreije teage Lomm-Arcen, de hekkensloeter vaan ozze competitie. Die haaje tot nou toe nag mar 3 punten verzameld door een oaverwinning op Venray en veur de rest dus alles verlore. Mar wej wiste donders-good daat we natuurlik moaste opletten veur onderschatting, wan dan giet ’t altied mis. Door de veule blessures werden we vandaag wederom oetgehoalpe door de A2, dit kier kwame Toon, Siem “de Hom” en Bram os verstirke.

Beej oetwedstrijden verzamele/vertrekke weej altied vanaf Boëms in America, veur sommigen gewoen thoes um de hook en veur andere “un takke end fietse”. Ik dink dat durrum iederien mar met d’n auto kwaam. Daat moment van verzamele is ok altied hendig veur de trainers, kunne ze metien fkes alles speulers in de oëge aankieke um te zeen of ze op vriedigoavend op tied of hielemoal neet nar bed zien gegoan. En vandaag leek ’t d’r op daat iederien d’r tog wal fit oet zaag, dus weej kreege d’r zin in! De iënigste teagevaller bej vertrek war dat Jasper neet Eva, mar zien iets lelijkere zusje Sem gevroagd haj um te reje. Dat woar veur sommige toch wal un teleurstelling.

Noa un kleine rondreis van un half urke, kwame we aan beej sportpark ’t Wiltlandt in Lomm. D’n trainert haj wer zeer veul aandacht besteed aan de tactiek die we vandaag moaste goan toepassen, mar dit ging wal ten koste vaan de ballen en piun-kes, die war hej namelijk vergeate. Gelukkig ware ze ok in Lomm in de sinterklàs-stemming en krege wej 6 ballen en un stapel piun-kes cadeau. De wirming-up war ondanks dat ’t wal kald war mar van korte duur. De teagestander woj namelik ierder beginne umdat ’t hoëfdveld (woar ze os natuurlik gear op woije zeen schitteren) war afgekeurd. Weej moaste op ’t B-veld speule en dat haj gen verlichting, dus moaste we mar op tied beginne.

Toen we noa un opzwepende speech van d’n trainert os lokaal oetkwame werden we opneej verrast door ozze teagestander. Ze haje ’t d’r echt ni op wat betreft de verlichting en verzochten os um in ozze “glow in the dark”-inloëpshirts de wedstrijd te speule. Veur os natuurlik gen probleem, al moaste we nàks dat veld op, weej kwame gewoen veur de 3 punten. ’T Begin war wat slapjes en aftastend, ’t leek d’r op dat we ierst wilde wiëte wat Lomm/Arcen in hoes haj i.p.v. os eigen spelleke te speule. Noa un kwarteerke kregen we wat mier grip op ’t spel wat resulteerde in un paar goije aanvallen en behuurlijke kansen, mar steeds stong hun keeper in de weag.

Fkes tog ok nag wat oaver d’n scheidsrechter, unne prima vìnt din veur de wedstrijd nag fkes gezellig in ’t lokaal kwaam proate. En tijdens de wedstrijd bleek al gans dat ’t unne “gezelligheids-meens” war, want heej war in “zien middencirkel” mier bezig um met zien hand in de tès te kletsen met speulers dan um op de wedstrijd te letten. “De Hom” mende zelfs te zeen dat ie tijdens un corner gauw un sjekkie stong te dreije. Toch mier unne darter dan unne scheidsrechter doachte weej.

Noa un half urke raakte ozze Bram verzeilt in un harde botsing woardoor hej wat last kreeg van zien heup, reden veur trainer Paul um te wisselen. Bram d’r oet en “de Koning” (de Gentstudent van Wageningen) d’r in. In de 35e minuut wist Choiv eindelik de score te oapene noa un goije steakpass van Rens Aerts. En vlak veur rust werd ’t ok 2-0 door un goal vaan ozze captain “Pille Piet” op aangeave vaan Choiv. Dus 2-0 veur met de rust, lang ni gek. Tog war trainer Paul egt nag ni tevreeje, de van te veure afgesproake taken m.b.t. de “5-seconde regel” moaste beater oetgevoerd weare en we moaste tog wer mier rust in ’t spel kriege.

Ok in Lomm war de thieje gloeiend-heit, mar ze smaakte os good. Ondertussen gingen ozze supporters onder aanvoering van “die-hard-fan” Charlie de kantine verkennen opzeuk noar unne wirme chocomel. Noadaat ze same met de “gezelligheids-meens” un bruudje kroket nar binne haje gewirkt ware ok zeej kloar veur de twedde hilft.

Zoeals met d’n trainert afgesproake begoaste we de twedde hilft waat hoeger druk te zette op hun verdediging en wat mier rust in ’t spel te creëren. Dus ’t leek d’r vanaf de ziekant allemoal wal wat beater oet te zeen. En al hielemoal toen d’r in de 53e minuut un wonder gebeurde. Oet un corner van Choiv kopte Freek “de stofzuiger”, din doarveur nag gen iën duel verloren haj, d’n bal snoeihard in de kruusing. Iederien begos te juichen, Freek zien mooder moas neave de kant un traantje wegpinken “miene zoën” en Freek leep zelf weg alsof ie dit iedere weak dud, moeie goal man! ’T Liekt d’r tog egt op dat Freekie in Lomm zien megje moat goan zeuke, want dat doar is tog egt vruchtbare grônd veur eum.

Ongeveer 3 minuten later goof mr. Rocket League un prima pass op ozze captain “Pille Piet”, din met zien 2e vaan de middig veur un ruume 4-0 veursprong zurgde. Heejnoa werd “de Hom” ingebroacht veur mr. Rocket League en volgde d’r un wat mindere fase in de wedstrijd, met wal un paar kansen, mar tog ok wal veul balverlies aan ozze kant. Helaas kregen we in de 74e minuut ok nag de deksel op de neus doordaat we alwer oet un corner un teagegoal moaste incasseren, Jelle tikte um per ongeluk in os eige goal. Aansloetend volgde mar gelijk un wissel, “Pille Piet” d’r oet en Willie, din noa un paar weake last vaan zien kneejblessure wer eindelik minuten mocht make, d’r in.

De 4-1 war nag ni de eindstand, want ge moat alt ’t beste veur ’t laatst beware en dat war nou ok zeker ’t geval. In de 81e minuut kreeg ozze “geniale gek” Choiv ’t namelik op zien heupen en begos aan un “Messi”-achtige solo woarbeej ie 5 man oetspeulde en d’n bal net veur de achterlien veur kos trekken woarnoa Jelle um met richts binnen kos loëpe. Un geweldige actie van Choiv “de tovenaar” Cuppen woarmei ie zien 3e assist vaan de middig goof. In 85e minuut vong de “gezelligheids-meens” dat ’t te kalt werd boete en bloos of zien fluitje. Wedstrijd afgeloëpe!

Dus wer 3 punten in de tès en zelfs opgeklommen nar de twedde plàts. Dit moacht gevierd weare, dus Sinterklaas Tommie ging met zien Pieten nar de Mac en un paar andere gingen onder aanvoering vaan ozze grens en “koning vaan de 3e-hilft” Robbie nag unne pint drinke beej Boëms. Later op de oavend volgde nag un oetgebreide stapoavend met bijna de volledige JO19-selectie beej de kiët van Sem en Twan en doarnoa de soos in America. Mar ’t verslag doarvaan kunde dink ik beater op snapchat en facebook trugkieke.

Speulers vaan de A2, wederom bedankt!
Man of the match: Bjorn “Choiv10” “de tovenaar” Cuppen en Freek “de stofzuiger” Raemakers

Boys, nog iene te goan! Komende woensdig teage FCV, de laatste vaan dees competitie. Volgens de trainert un goije teagestander din we eavegood moate versloan um twedde en dus “the best of the rest” te weare!

Met sportieve groeten,

D’n assistent

Laatste opstelling

18 augustus om 18:00
America 1 - FC Jeunesse Biwer

Hoofdsponsors

boems jeu cafe minten assurantien

Sponsoren

 

  • Henk Aarts
  • Stucadoorsbedrijf Roeffen - Peeters
  • Cafe Boems Jeu
  • Spar van den Beuken
  • Derix Logistics
  • John Deere
  • Handje Gezond
  • Paul Rongen Elektro
  • van dijck en jenneskens bestratingen
  • Cafetaria Hap en Stap
  • Jan Minten Assurantiën
  • Erik Philipsen Bouw

                                                                                                 Copyright © AVV America